பெங்களூருவில் உள்ள தகவல் தொழில்நுட்ப நிறுவனமொன்றின் தலைமைச் செயல் அதிகாரியும் நிர்வாக இயக்குநரும் ஜூலை 11ஆம் தேதி செவ்வாய்க்கிழமையன்று முன்னாள் ஊழியரால் வெட்டிக் கொல்லப்பட்டனர்.
இறந்தவர்களில் ஒருவரான கேரளாவின் கோட்டயம் மாவட்டத்தில் உள்ள பனச்சிக்காட்டில் உள்ள ருக்மணி விலாசம் வீட்டைச் சேர்ந்த ஆர் வினு குமார் (47), இணைய சேவை நிறுவனமான ஏரோனிக்ஸ் மீடியாவின் தலைமை நிர்வாக அதிகாரியாக இருந்தார். வினுகுமாருக்கு ஸ்ரீஜா என்ற மனைவியும், இரண்டு குழந்தைகளும் உள்ளனர்.
பாதிக்கப்பட்ட மற்றொருவர் ஃபனிந்திர சுப்ரமணி நிறுவனத்தின் நிர்வாக இயக்குநராக இருந்தார்.
நகரையே அதிர வைத்த இந்த கொடூர சம்பவம் மாலை 4 மணியளவில் நடந்துள்ளது.
அம்ருதஹள்ளியில் உள்ள பம்பை எக்ஸ்டென்ஷனில் உள்ள நிறுவனத்தின் அலுவலகத்திற்குள் அத்துமீறி நுழைந்து இருவரை வாளால் வெட்டிக் கொன்ற குற்றஞ்சாட்டப்பட்ட பெலிக்ஸ் மற்றும் மேலும் இருவரை பெங்களூரு நகர போலீஸார் தேடி வருகின்றனர். அலுவலக கட்டிடமாக மாற்றப்பட்ட வீட்டில் இருந்து ஏரோனிக்ஸ் செயல்பட்டு வந்தது.
"குற்றம் சாட்டப்பட்டவர்கள் ஏரோனிக்ஸ் அலுவலகத்திற்குள் நுழைந்து எம்.டி மற்றும் தலைமை நிர்வாக அதிகாரியை கூர்மையான பொருளால் தாக்கினர்" என்று வடகிழக்கு டிசிபி லக்ஷ்மி பிரசாத் கூறினார். மருத்துவமனைக்கு கொண்டு செல்லும் வழியில் இருவரும் உயிரிழந்தனர்.
முன்னதாக ஏரோனிக்ஸ் மீடியாவில் பணியாற்றிய பெலிக்ஸ், சொந்தமாக ஒரு இணைய நிறுவனத்தைத் தொடங்கினார். வியாபாரம் தொடர்பான பிரச்னையால் ஏற்பட்ட முன்விரோதமே கொலைக்குக் காரணம் என்ற முடிவுக்கு போலீஸார் வந்துள்ளனர்.
குற்றம் சாட்டப்பட்டவர்கள் தற்போது தப்பியோடி விட்டதாக போலீசார் தெரிவித்தனர். வழக்கு பதிவு செய்து, குற்றவாளிகளை பிடிக்க போலீசார் தேடி வருகின்றனர்.
© Copyright 2023. All Rights Reserved Powered by Vygr Media
