కేరళలోని కోజికోడ్‌లోని ఎలత్తూర్‌ సమీపంలో కదులుతున్న రైలులో వాగ్వాదం కారణంగా ఒక వ్యక్తి తన సహ ప్రయాణీకుడికి నిప్పంటించడంతో ఎనిమిది మందికి కాలిన గాయాలయ్యాయి. ఆదివారం రాత్రి 10 గంటల ప్రాంతంలో అలప్పుజా-కన్నూరు ఎగ్జిక్యూటివ్ ఎక్స్‌ప్రెస్ రైలులోని డి1 కంపార్ట్‌మెంట్‌లో ఈ ఘటన జరిగింది.

Image Source: Twitter

ఘటన తర్వాత రైల్వే ట్రాక్‌పై ఓ బ్యాగ్ కూడా కనిపించింది. ఆ బ్యాగ్ నిందితుడిదేనా అనే కోణంలో పోలీసులు దర్యాప్తు చేస్తున్నారు.
ఆదివారం అర్థరాత్రి రైలు పట్టాలపై నుంచి మహిళ, చిన్నారి, పురుషుడి మృతదేహాలను వెలికి తీశామని జిల్లాకు చెందిన సీనియర్ పోలీసు అధికారి ఒకరు పీటీఐకి తెలిపారు. ఆదివారం అగ్నిప్రమాదం జరిగిన తర్వాత ముగ్గురు రైలులో కనిపించకుండా పోయారని ఆయన తెలిపారు.

నిందితుడు సహ-ప్రయాణికుడిపై మండే ద్రవాన్ని పోసి, వాగ్వాదం తర్వాత నిప్పంటించాడు. దీంతో కనీసం ఎనిమిది మందికి కాలిన గాయాలయ్యాయని పోలీసులు తెలిపారు. సంఘటన జరిగిన వెంటనే ఆ వ్యక్తి తప్పించుకోగా, ప్రయాణికులు ఎమర్జెన్సీ చైన్ లాగడంతో క్షతగాత్రులను ఆస్పత్రికి తరలించారు.

© Copyright 2023. All Rights Reserved Powered by Vygr Media.